اليوميةاليومية  الرئيسيةالرئيسية  س .و .جس .و .ج  بحـثبحـث  التسجيلالتسجيل  دخولدخول  
تم بحمد لله افتتاح شبكة السيرة العطرة للدخول ... إضغط على اللينك http://el-sera.com/vb/ .. دمتم فى أمان الله

شاطر | 
 

 شبيك لبيك

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
زرقاء اليمامه
عضو
عضو
avatar

7
المهنه : 3
انثى السرطان القرد
عدد المساهمات : 29
تاريخ الميلاد : 01/07/1980
تاريخ التسجيل : 09/10/2009
العمر : 37

مُساهمةموضوع: شبيك لبيك   السبت 27 فبراير 2010, 1:19 pm


لقيت الفانوس مرة ودعكته

طلعلى عفريت قاللى شبيك لبيك

قلت خلاص الذل انا ودعته

ويا عفريت بالطلبات هاهريك


قالى هـــأوأو يا انسان

دا أنا عفريت مارد ابن جان

مايهمنيش مكان و لا زمان

واطلب وأنا عندى البرهان


قلتله عاوز قمح زُرع فى مصر

ومسؤولين يبطلوا فشر

وحكومة متعصرنيش عصر

ومرتب يكفى لآخر الشهر

وعاوز عيش بدون طوابير

وإنفاق حكومى بدون تبذير

وانتخابات من غير تزوير

ورئيس سابق اشوفه كتير

وعاوز فى بيتى شيكارة دقيق

وسبب مقنع لأى حريق

ومجلس شعب بدون تصفيق

وفى كأس العالم لينا فريق

وعاوز مرة ازور شرم الشيخ

وصابعين كفتة م اللى فى السيخ

واشرب مرة عصير بطيخ

واخرج من القسم بدون تلطيخ


ونفسى الضحكة ترجع تانى

وحتة لحمة كندوز او ضانى

وجنيه مصرى زى البرانى

ورصيف للمشى انا وخلاّنى


رد العفريت عليا بغشم

وقال يامصرى ماكنش العشم

بص .. انا ممكن انقل لك الهرم

واسد لك الاوزون اللى اتخرم

وارجعلك الاكل اللى اتهضم


وتمأمأ البقرة زى الغنم

واعملك قصر من العدم

واقولك معنى شرم برم


بس طلباتك طلبات ملموس

عقله خلاص أكله السوس

ده تخطيط يا ابنى ومدروس

انك تعيش على طول في كابوس

واحنا بناخد منكم دروس

ازاى نخلى الجن متعوس

وياريت ترجعنى تانى الفانوس

وزى بعضه أعيش محبوس

بدل ما اخرج واتبهدل زيك

ويتلم موكوس على متعوس
الرجوع الى أعلى الصفحة اذهب الى الأسفل
ساجد لله
عضو
عضو


ذكر السمك الحصان
عدد المساهمات : 12
تاريخ الميلاد : 24/02/1990
تاريخ التسجيل : 28/08/2009
العمر : 27

مُساهمةموضوع: رد: شبيك لبيك   الثلاثاء 02 مارس 2010, 1:49 pm

جزاكى الله خيرا اختنا الفاضلة
هو ممكن الدنيا تكون كدا في يوم من الايام
الرجوع الى أعلى الصفحة اذهب الى الأسفل
 
شبيك لبيك
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
شات منابر السيرة :: $$%%!!!( الساحة الحرة )!!!%%$$ :: قسم المواضيع العامه-
انتقل الى: