--------------------------------------------------------------------------------
السلام عليكم
الحمد الله رب العالمين والصلاة والسلام علي أشرف المرسلين محمد عبد الله ورسوله صلي الله عليه وسلم
عايزين لما نشوف شيء غلط نتكلم
لما نشوف منكر ننكره سواء بالأيدي أو بالكلام أو بالقلب أضعف الإيمان
انا حصل معايا موقف كان واحد بيصلي وبعد مخلص واحد قالوا حرما والتاني طبعا قالو جمعا فالموقف ده كتير منا بيشوفه
فانا بكل أدب قلت له يا سيدي الفاضل هذه الامور لم ترد عن الرسول صلي الله عليه وسلم طبعا مسكني بهدلني وقعد يقولي اصله انتوا كده
وانا اجدادي كانوا بيقولوا كده وابويا قالي كده علي اساس إن أبوه الامام الشافعي ولااا واحد من الصحابه
المهم اني قلتله كل الدلائل اللي عندي بتقول إن الكلام ده غلط ودي بدعة واعتذرتله وقلتله انا اسف جداً
ولكن الموضع ده فوقني احنا كام واحد مننا بيشوف الغلط وبيخاف يتكلم سواء خايف يزعل صاحبه
او انه يزعل احد والديه او انه يخاف من الناس
او انه يخاف انه الناس كلها تبقي مختلفه عنه مع انه قائم علي دلائل صحيحة من القرآن والسنه
لكن أكتر كلمة يقوللك ياعمي انا مالي وانا كنت شيخ الأزهر
يا جماعه عايزين اللي يعرف حاجه يقولها للناس واللي يشوف غلط ينكره اللي صاحبه بيشرب سجاير يقوله كل شويه ده غلط
اللي صاحبتها بتسمع أغاني تنكره اللي واللديه بتفرج علي مسلسلات هايفة ينكره ولو بالنظره
اللهم اجعلنا من هؤلاء(ولتكن منكم اُمة يدعون إلي الخير ويأمرون بالمعروف وينهون عن المنكر اولئك هم المفلحون)